Við erum LANDGRÆÐSLAN

Þurrlendi
Vistgeta þurrlendisvistkerfa ræðst af loftslagi, landslagi og þeim jarðvegi sem þar ætti að ríkja og endurspeglar þá líffræðilegu fjölbreytni gróðurs og jarðvegs sem ætti að vera til staðar í óröskuðu vistkerfi. Með því að vernda og endurheimta vistkerfi vinnur Ísland að ýmsum alþjóðlegum skuldbindingum, til dæmis varðandi verndun líffræðilegrar fjölbreytni og aðgerðir til að sporna við loftslagsbreytingum. Landgræðslan hefur til áratuga unnið endurheimt vistkerfa.

Sjálfbær Landnýting
Sjálfbær landnýting er grundvallarundirstaða sjálfbærs samfélags og tryggir að landnýting leiði ekki til hnignunar á gæðum lands. Mælikvarðar á sjálfbærni eru félagslegir, efnahagslegir og umhverfislegir. Sé ekki tryggt að vistkerfi uppfylli lágmarkskröfur um ástand eru forsendur sjálfbærrar nýtingar brostnar. Sjálfbær landnýting nær til allra vistkerfa þ.m.t. votlendis, skóga og ræktarlands. Mörg verkefni Landgræðslunnar hverfast um ofangreint.

Votlendi
Eru mikilvæg búsvæði lífvera, mikilvægt er að vernda og endurheimta röskuð votlendi. Stórum hluta af vistkerfum landsins hefur verið raskað, virkni þeirra skert og hefur um helmingi votlendis verið raskað. Rask hefur neikvæð áhrif á líffræðilega fjölbreytni, eykur hættu á útbreiðslu ágengra framandi tegunda, raskar hringrásum næringarefna, vatns og orku, skerðir lífsgæði og framtíðar auðlindir, hefur neikvæð áhrif á kolefnisforða og kolefnisbindingu, sem og viðnámsþrótt og þanþol vistkerfa.
Um okkur
LANDGRÆÐSLAN
Frá árinu 1907 höfum við unnið hörðum höndum að umbreytingu á röskuðum vistkerfum →
Starfsfólkið okkar
Öflugur hópur starfsfólks með þverfaglegan bakgrunn →
Starfsstöðvar
Gunnarsholt, Reykjavík, Hvanneyri, Sauðárkrókur og Ásbyrgi →
Fréttir og tilkynningar
Úthlutun 2023 – Bændur græða landið og Landbótasjóður
Búið er að ganga frá úthlutun styrkja úr samstarfsverkefnunum Bændur græða landið og Landbótasjóði og niðurstaðan send til styrkþega með tölvupósti.
Himinblámi, gullnir kornakrar og svört mold Úkraínu
Svarta gullið, svarta moldin Chernozem, auðlind Úkraínu, er ein frjósamasta mold sem finnst og þekur um 56% landsins.
Uppgræðsluaðgerðir í Toddastykki
Árið 2020 veitti Alcoa Foundation Landgræðslunni styrk til þriggja ára að upphæð $300.000, til að stöðva jarðvegsrof og endurheimta vistkerfi á um 42 ha svæði við Háreksstaðaleið á Jökuldalsheiði
Næstu viðburðir hér og þar
Málþing Landgræðslunnar og Rótarýklúbbs Rangæinga
Landgræðslan kynnir fyrirlestraröðina: Rauðar viðvaranir – Grænar lausnir Í fyrirlestraröð Landgræðslunnar…
Í upphafi skyldi endinn skoða – Fuglavernd
Málþing Fuglaverndar um vindorkuver og áhrif þeirra á fuglalíf