Vigdís forseti

Frú Vigdís Finnbogadóttir, fyrrverandi forseti Íslands, er níræð í dag – 15. apríl. Vigdís er einn ötulasti talsmaður landgræðslu á Íslandi og hefur ævinlega verið boðin og búin til að leggja sitt af mörkum á því sviði.

Síðla árs 2015 kom hún t.a.m. á fund sem bar yfirskriftina „Ár jarðvegs – öld umhverfisvitundar – alda nýrrar hugsunar“. Kraftur og áhugi einkenndi ávarp Vigdísar á fundinum sem hvatti landsmenn til dáða í umhverfismálum.

Landgræðslan sendir Vigdísi hlýjar afmæliskveðjur og þakklæti fyrir samstarf á liðnum árum og áratugum.