Kynning á drögum að reglugerð fyrir sjálfbæra landnýtingu

Drög að reglugerð um leiðbeiningar og viðmið um sjálfbæra landnýtingu eru nú til kynningar í samráðsgátt stjórnvalda.
Drögin eru unnin samkvæmt lögum um landgræðslu frá 2018 en markmið þeirra er að vernda, endurheimta og bæta þær auðlindir þjóðarinnar sem fólgnar eru í gróðri og jarðvegi og tryggja sjálfbæra nýtingu lands. Einnig er fjallað sérstaklega um sjálfbæra landnýtingu í lögunum. Í lögunum segir að ráðherra skuli setja reglugerð með það að markmiði að tryggja sjálfbæra landnýtingu með leiðbeiningum og viðmiðum þar að lútandi sem taki mið af ástandi lands, m.a. varðandi beit búfjár, umferð fólks og ökutækja, framkvæmdir og akuryrkju.

Rofabarð í birkiskógi í Áslákstungum í Þjórsárdal.