Krapaflóð eyðileggur girðingu MAST

Krapaflóðið sem myndaðist í Jökulsá á Fjöllum í janúar skemmdi stærstan hluta sauðfjárveikivarnagirðingar Matvælastofnunar sem Landgræðslan hefur séð um viðhald á.
Héraðsfulltrúar Landgræðslunnar, þær Berglind Ýr Ingvarsdóttir og Salbjörg Matthíasdóttir sem hafa starfsstöð á Húsavík, fóru nýverið ásamt Jóhannesi Guðmunddsyni girðingarmanni og gerðu úttekt á skemmdunum.

Í ljós kom að stærstur hluti girðingarinnar eyðilagðist í flóðinu og má áætla að um 80% hennar sé ónýtur. Ljóst er því að setja þarf upp nýja girðingu að stærstum hluta og verður það gert um leið og aðstæður leyfa.