22.10.2020. Endurheimt votlendis
Síðasta vor auglýsti Landgræðslan eftir samvinnu við áhugasama landeigendur sem vildu endurheimta framræst votlendi á sínum jörðum. Starfsmenn Landgræðslunnar heimsóttu þá og lögðu mat á hvort svæðin uppfylltu ákveðin skilyrði sem Landgræðslan setur. Í framhaldinu voru svæðin kortlögð og ýmsar athuganir gerðar. Í þeirri vinnu má helst nefna athugun á vatnsrennsli til og frá svæðunum, kortlagningu allra skurða og svæða á milli þeirra, innsetningu vatnshæðarröra til að mæla breytingar á grunnvatnsstöðu ásamt drónamyndatökum. Ýmist voru verktakar fengnir úr heimabyggð eða landeigendur framkvæmdu sjálfir verkið. Verktakar á Snæfellsnesi hafa einnig aðstoðað Landgræðsluna við þróun verklags við endurheimt votlendis og viljum við færa þeim sérstakar þakkir fyrir gott samstarf.
Á sunnanverðu Snæfellsnesi bárust þrjár umsóknir frá landeigendum og svo heppilega vill til að tvær þeirra jarða liggja saman. Það svæði er um 100 hektarar að stærð og er því stærsta samfellda votlendissvæði sem hefur verið endurheimt hjá Landgræðslunni. Á svona stóru svæði eru aðstæður fjölbreyttar og úrlausnarefnin mörg og vonir standa til þess að reynslan sem safnast við verkefnið muni nýtast vel í áframhaldandi vinnu. Verktakar munu vinna á svæðinu út nóvember, ef veður leyfir, en hingað til hefur verið rjómablíða sem hefur aukið fegurð haustlitanna í mýrunum á sunnanverðu Snæfellsnesi.
Landgræðslan
Starfsstöðvar
Starfsmenn
Um okkur
Rafrænir reikningar
Skýrslur
Leiðbeiningar
Landupplýsingar
Landbótasjóður
Gæðastýring í sauðsfjárrækt
Bændur græða landið
Varnir gegn landbroti
Endurheimt votlendis
Hagagæði
GróLind
Lagaumhverfi
Auglýsingar
Aðalskrifstofa | Gunnarsholti | 851 Hella | Sími 488-3000 | Netfang land@land.is | Rafrænir reikningar | Kt: 710169-3659
