Endurheimt birkiskóga

Mikil fræsetning trjáa, þar á meðal birkis, nú sumar hefur vakið athygli margra. Aukin útbreiðsla birkis og endurheimt birkiskóga hefur lengi verið á dagskrá hjá stjórnvöldum og árið 2007 birti Umhverfisráðuneytið skýrslu þar sem lagðar eru fram tillögur um endurheimt og verndun birkiskóga, sjá nánar hér

Endurheimt birkiskóga felur í sér margvíslegan ávinning, þar á meðal eykur hún bindingu kolefnis. Í áætlunum um mótvægisaðgerðir gegn loftslagsbreytingum er því lögð áhersla á endurheimt birkiskóga. Nú í haust mun verða efnt til söfnunar og dreifingar á birkifræi með það að markmiði að stórefla útbreiðslu birkiskóga. Ríkuleg fræsetning birkis mun auðvelda það starf.