Birkifræsöfnun

Töluvert safnaðist af fræi í birkifræsöfnun sem Landgræðslan, Hekluskógar og Olís stóðu fyrir síðastliðið haust. Fræið var hreinsað og þurrkað í Gunnarsholti og var ætlunin að fá sjálfboðaliðahópa til að dreifa því nú í vor eða byrjun sumars. Sökum kórónufaraldursins var horfið frá því ráði og ákveðið að starfsmenn Landgræðslunnar dreifi fræinu í vor eða byrjun sumars á svæði þar sem verið er að stuðla að útbreiðslu birkis. Ákveðið hefur verið að fara í aðra fræsöfnun nú í haust, með svipuðu sniði og var síðastliðið haust.

Nánari upplýsingar um söfnunarátak næsta hausts verða sendar út þegar nær dregur.