Landgræðslustjóraskipti

Um nýliðin mánaðamót lét Árni Bragason af störfum sínum sem landgræðslustjóri vegna aldurs. Árni hefur unnið frábært starf í þágu stofnunarinnar á tímum þar sem umfang og fjöldi verkefna hefur aukist ört. Landgræðslan hefur, undir stjórn Árna, unnið að fjölmörgum landgræðslutengdum verkefnum og árangur starfsins víða með besta móti. Landgræðslan og starfsfólk hennar þakkar Árna samstarfið og óskar honum velfarnaðar á komandi árum.

Við starfi landgræðslustjóra tekur Birkir Snær Fannarsson en Svandís Svavarsdóttir, matvælaráðherra, hefur sett hann í embætti til áramóta. Birkir er lögfræðingur stofnunarinnar og hefur verið staðgengill landgræðslustjóra frá 1. desember 2022.