30.04.2020. Vorverk í Vík í Mýrdal
Fyrir skömmu luku starfsmenn Landgræðslunnar vorverkunum í Vík í Mýrdal. Þar var sáð og áburði dreift en auk þess var gömlum heyrúllum raðað upp til að draga úr sandfoki. Í vor var farið með um 350 rúllur í fjöruna. Verkefnið snýst um það að halda áfram því starfi sem Fjörulallarnir svokölluðu fóru af stað með fyrir allmörgum árum. Fjörulallarnir eru félagsskapur fólks í Vík og nágrenni sem hefur það að markmiði að hefta sandfok við bæinn og styrkja gróður í fjörukantinum.
Í nokkur ár hefur Landgræðslan sett upp sandfoksgirðingar í Víkurfjöru með góðum árangri. Sérstaklega hefur þetta gefist vel vestast í fjörunni, næst Reynisfjalli. Verkefnið er unnið í samstarfi við Mýrdalshrepp sem hefur fjármagnað verkið ásamt Landgræðslunni.
Þar sem fjaran breytist ört og mjókkar mjög þegar austar dregur hefur sjórinn náð að berja í sundur girðingar sem voru settar upp. Því var brugðið á það ráð að raða rúllum efst í fjöruna til að freista þess að ná stöðugleika á yfirborðinu – landmegin við rúllurnar. Mikið hefur fokið af sandi úr fjörunni og yfir svæði sem nær frá Víkurskála og langt austur fyrir bæinn. Jafnt sáningar sem og staðargróður hafa átt erfitt uppdráttar sandfoksins.
Sem áður segir var verkefnið unnið af starfsmönnum Landgræðslunnar í samstarfi við Mýrdalshrepp en rúllurnar gáfu þeir Benedikt Bragason, Ytri-Sólheimum og Einar Freyr Elínarson, Sólheimatungu. /VV
Landgræðslan
Starfsstöðvar
Starfsmenn
Um okkur
Rafrænir reikningar
Skýrslur
Leiðbeiningar
Landupplýsingar
Landbótasjóður
Gæðastýring í sauðsfjárrækt
Bændur græða landið
Varnir gegn landbroti
Endurheimt votlendis
Hagagæði
GróLind
Lagaumhverfi
Auglýsingar
Aðalskrifstofa | Gunnarsholti | 851 Hella | Sími 488-3000 | Netfang land@land.is | Rafrænir reikningar | Kt: 710169-3659
