Olís fjármagnar og tekur þátt í birkifræssáningu Landgræðslunnar

07.07.2022

Landgræðslan og Olís hafa átt farsælt samstarf allt frá árinu 1992. Á þessum þremur áratugum hafa verkefnin verið af ýmsum toga og skilað miklum árangri við uppgræðslu lands. Árið 2019 hófu Landgræðslan og Skógræktin landsöfnun á birkifræi með stuðningi fjölmargra aðila. Þessi söfnun var liður í endurheimt og uppbyggingu birkiskóga. Með þessari uppbyggingu var lagður grunnur að uppgræðslu lands sem er jafnframt veigamikill þáttur í kolefnisbindingu. Olís styrkti verkefnið og viðskiptavinir Olís sem lögðu verkefninu hjálparhönd með því að safna fræjum og koma á tilheyrandi söfnunarstöðvar. Það er trú félagsins að þessi þátttaka viðskiptavina sé ekki aðeins til þess fallin að auka kraft verkefnanna, heldur eykur hún jafnframt almenna umhverfisvitund og velvilja samfélagsins gagnvart góðum störfum Landgræðslunnar.

Hausið 2022 verður á ný blásið til birkifræsöfnunar og sáningar. Einstaklingar hafa tök á að safna birkifræjum í þar til gerða pappírspoka og skila inn til þjónustustöðva Olís og til annara velunnara verkefnisins.  Landgræðslan mun safna saman fræjum og flokka og yfirfara í þeim tilgangi að einungis bestu og lífvænlegustu fræin fari í sáningu. Landgræðslan velur land til sáninga, en einstaklingar munu hafa tök á að mæta og sá fræjum. Verkefnið verður kynnt betur síðar.  

undirskrift landgraedslu og olis

Starfsstöðvar

Starfsfólk

Um okkur

Rafrænir reikningar

Skýrslur

Leiðbeiningar

Landupplýsingar

Landbótasjóður

Gæðastýring í sauðsfjárrækt

Bændur græða landið

Varnir gegn landbroti

Endurheimt votlendis

Hagagæði

GróLind

Lagaumhverfi

Auglýsingar

Aðalskrifstofa | Gunnarsholti | 851 Hella | Sími 488-3000 | Netfang land@land.is | Rafrænir reikningar | Kt: 710169-3659

Skip to content