17.03.2020. Metnaðarfull umhverfisstefna bænda
Loftslagsbreytingar eru ein stærsta áskorun mannkyns og framtíð komandi kynslóða ræðst af því hvernig við bregðumst við á næstu árUm. Ráðast þarf í átak í kolefnisbindingu ásamt því að draga eftir mætti úr losun gróðuhúsalofttegunda.
Kolefnisbinding mun að mestu fara fram með endurheimt raskaðra vistkerfa. Bæði þurrlendis og votlendiskerfa ásamt skógrækt.
Þarna hafa bændur margt fram að færa, landið, þekkinguna og verkfærin.“ segir í Umhverfisstefnu landbúnaðarins 2020-2030 sem Búnaðarþing samþykkti fyrir skömmu. Í henni kemur m.a. fram að stefnt skuli að því að öll nýting landbúnaðarlands (beitilanda) verði sjálfbær árið 2030.
Í umhverfisstefnunni segir að tækifæri til að draga úr losun gróðurhúsalofttegunda felist í bættri afurðasemi gripa, betri nýtingu á tilbúnum áburði og búfjáráburði, loftslagsvænni ræktunaraðferðum, betri nýtingu jarðefnaeldsneytis og orkuskiptum.
Það er ljóst að bændur ætla að gera stóra hluti. Þannig er stefnt að kolefnishlutleysi landbúnaðar (án landnýtingar) árið 2030 og bændur vilja nýta lífrænan úrgang og draga um leið úr notkun tilbúins áburðar. „Mikilvægt er að veita næringarefnastraumum sem til falla í öðrum atvinnugreinum eða sem úrgangur frá byggð (s.s. seyra og molta) inn í landbúnaðarframleiðsluna,“ segir í Umhverfisstefnunni en í henni er boðað að unnin verði ítarleg aðgerðaáætlun sem útfærir hvernig markmiðum skuli náð.
Landgræðslan
Starfsstöðvar
Starfsmenn
Um okkur
Rafrænir reikningar
Skýrslur
Umsóknir
Landupplýsingar
Landbótasjóður
Gæðastýring í sauðsfjárrækt
Bændur græða landið
Varnir gegn landbroti
Endurheimt votlendis
Hagagæði
GróLind
Lagaumhverfi
Auglýsingar
Aðalskrifstofa | Gunnarsholti | 851 Hella | Sími 488-3000 | Netfang land@land.is | Rafrænir reikningar | Kt: 710169-3659
