Loftslagsvænn landbúnaður fékk hvatningarviðurkenningu Reykjavíkurborgar og Festu

Frá loftslagsfundi Festu og Reykjavíkurborgar.

Verkefnið hefur stækkað jafnt og þétt, og eru nú um 40 sauðfjár- og nautgripabændur þátttakendur. Hvert bú tekur þátt fjögur til fimm ár í senn. Fulltrúar Landgræðslunnar, RML og Skógræktarinnar stýra verkefninu en jafnframt kemur að því fjölbreyttur hópur ráðgjafa frá fyrrgreindum stofnunum. Þátttakendum býðst heildstæð ráðgjöf og fræðsla um það hvernig draga megi úr losun gróðurhúsalofttegunda frá landbúnaði og vegna landnýtingar. Verkefnið er fjármagnað af umhverfis- og auðlindaráðuneytinu og atvinnuvega- og nýsköpunarráðuneytinu. „Grasrótarnálgun er í senn upplegg verkefnisins og styrkur.

Hvert þátttökubú setur sér skriflega aðgerðaáætlun sem tekur mið af aðstæðum og möguleikum. Aðgerðaáætlunin er endurskoðuð árlega og er verkfærakista þátttakenda til að vinna að loftslagsvænum landbúnaði. Í henni kemur fram hvernig dregið skuli úr losun gróðurhúsalofttegunda og kolefnisbinding aukin i búrekstrinum. Þátttakendur þannig vinna markvisst að settum markmiðum í daglegum bústörfum. Þessi nálgun hvetur bændur til aðgerða og hefur jákvæð áhrif á nærsamfélagið“ segir Berglind Ósk Alfreðsdóttir verkefnastjóri Loftslagsvæns landbúnaðar. Vonir standa til að hægt verði að stækka verkefnið í framtíðinni og fjölga þáttakendum.

Við afhendingu verðlaunanna. Fv. Guðbrandur Ingi Guðbrandsson umhverfis- og auðlindaráðherra, Vanda Úlfrún Liv Hellsing sérfræðingur UAR, Gústav M. Ásbjörnsson sviðsstjóri Lgr, Berglind Ósk Alfreðsdóttir verkefnisstjóri RML, Valdimar Reynisson skógræktarráðgjafi, Borgar Páll Bragason fagstjóri RML.