Landgræðslan á COP27 í Egyptalandi

30.11.2022

Á loftslagsráðstefnu sameinuðu þjóðanna, COP27 í Egyptalandi nú fyrr í nóvember kom fyrir stutt myndband frá Landgræðslunni á málstofu um náttúrulegar lausnir. Myndbandið var hluti af erindi samtakanna Restor sem er vettvangur í formi vefsjár fyrir alla þá sem vinna að endurheimt vistkerfa og vilja koma verkefnum sínum á framfæri á heimsvísu. 

Árið 2020 sendi Landgræðslan verkefni inn til Restor sem í daglegu tali kallast Endurheimt votlendis að Hnausum/Hamraendum á Snæfellsnesi. Verkefnið er ein stærsta samfellda endurheimt mýrlendis sem náðst hefur á einkalandi þar sem landeigendur á báðum jörðum vildu endurheimta votlendi og því þurfti ekki að skera niður svæðið vegna landamæra. Restor fór þess á leit við Landgræðsluna að fá stutt myndband frá verkefnisstjóra verkefnisins sem lýsir svæðinu, helstu áskorunum og framtíðarsýn. Tilgangur erindis Restor á COP27 var að sýna fjölbreytileika endurheimtarverkefna á heimsvísu með áherslu á mikilvægi gagnsæis, miðlun þekkingar og tengsla þeirra á milli. 

Stærsta og mikilvægasta lausn heimsins við neikvæðum áhrifum loftslagsbreytinga er náttúran sjálf. Náttúruleg vistkerfi í góðu ástandi þola betur áföll og ná sér fljótt eftir þau. Því miður á náttúran í vök að verjast alls staðar í heiminum í dag þar sem umsvif mannsins halda áfram að valda neikvæðum áhrifum. Nú er áratugur endurheimtar vistkerfa og aldrei hefur verið jafn mikilvægt að allir sem vettlingi geta valdið taki þátt. Landgræðslan styrkir landeigendur á margan hátt til endurheimtar vistkerfa og hvetjum við alla til að kynna sér þá kosti sem í boði eru. 

Myndbandið er hægt að sjá HÉR.

fífur við á

Starfsstöðvar

Starfsfólk

Um okkur

Rafrænir reikningar

Skýrslur

Leiðbeiningar

Landupplýsingar

Landbótasjóður

Gæðastýring í sauðsfjárrækt

Bændur græða landið

Varnir gegn landbroti

Endurheimt votlendis

Hagagæði

GróLind

Lagaumhverfi

Auglýsingar

Aðalskrifstofa | Gunnarsholti | 851 Hella | Sími 488-3000 | Netfang land@land.is | Rafrænir reikningar | Kt: 710169-3659

Skip to content