Fræframleiðsla

land.is 9 Heim 9 Málaflokkar 9 Fræframleiðsla

Frærækt og fræverkun

Meginhlutverk fræverkunarstöðvar Landgræðslunnar í Gunnarsholti er frærækt og fræverkun tegunda til uppgræðslu. Landgræðslan hefur starfrækt fræverkunarstöð í Gunnarsholti frá árinu 1988. Meginhlutverk hennar er frærækt og fræverkun tegunda til uppgræðslu. Fræ af melgresi (Leymus arenarius) og túnvingli (Festuca richardsonii) er heimafengið, en nokkuð er flutt inn af rýgresi (Lolium multiflorum) og vallarsveifgrasi (Poa pratensis).

Fræakrar

Fræakrar fyrir ræktun túnvinguls eru allir í Gunnarsholti. Melgresi er ekki ræktað á ökrum en melfræi er safnað af strandsvæðum sunnanlands.

Fræöflun og verkun

Fræöflun fer fram síðla sumars og fram á haust þegar fræþroski nær hámarki, en þó áður en náttúruleg frædreifing hefur átt sér stað. Túnvingull þroskast í lok ágúst, en melgresi þroskast seinna og stendur melsláttur oft langt fram í september. Fræinu er safnað með þreskivélum eða þar til gerðum melsláttuvélum (melgresi). Þegar í hús er komið, þarf að þurrka og hreinsa fræið.

Gæðaeftirlit

Áhersla er lögð á gæði fræframleiðslunnar og innra gæðaeftirlit. Sýni eru tekin reglulega og frægæði metin samkvæmt alþjóðlegum stöðlum. Hlutfall spírandi fræs er rannsakað með spírunarprófum. Skýrar verklagsreglur um meðhöndlun fræsins stuðla að hámarksgæðum þess og rafrænt birgðabókhald tryggir rekjanleika fræsins (uppruna og meðhöndlun) og réttar merkingar. Rannsóknastofa Landgræðslunnar heldur utan um allt gæðaeftirlit með fræi. Að auki veitir rannsóknastofan þjónustu til aðila sem selja fræ og gerir á þeim spírunarpróf og hreinleikapróf.

Starfsstöðvar

Starfsfólk

Um okkur

Rafrænir reikningar

Skýrslur

Leiðbeiningar

Landupplýsingar

Landbótasjóður

Gæðastýring í sauðsfjárrækt

Bændur græða landið

Varnir gegn landbroti

Endurheimt votlendis

Hagagæði

GróLind

Lagaumhverfi

Auglýsingar

Aðalskrifstofa | Gunnarsholti | 851 Hella | Sími 488-3000 | Netfang land@land.is | Rafrænir reikningar | Kt: 710169-3659

Skip to content