10.02.2019. Fjölmenni og fjörugar umræður á hádegisfundi. 

Fimmtudaginn fimmta desember var haldinn fjölsóttur hádegisfundur um Úthagann, kolefni og loftslagsbókhald. Frummælendur voru Ólafur Arnalds, Landbúnaðarháskóla Íslands (LbhÍ), Þórunn Pétursdóttir frá Landgræðslunni og Borgar Páll Bragason frá Ráðgjafarfamiðstöð landbúnaðarins (RML) en fundarstjóri var Unnur Brá Konráðsdóttir, verkefnisstjóri hjá forsætisráðuneytinu.
Frummælendur áréttuðu að moldin er uppspretta meginhluta gróðurhúsalofttegunda sem Ísland ber ábyrgð á gagnvart umheiminum og alþjóðlegum umhverfissamningum. Mikið er vitað um losun úr votlendi en gríðarleg óvissa er um losun úr illa förnu mólendi, sem gæti mögulega verið á bilinu 2-20 milljónir CO2 ígilda á ári.

 

Sé framræst votlendi og losun frá mólendi tekin í reikninginn verður sótspor kjötframleiðslu á Íslandi afar hátt, jafnvel >200 CO2 ígildi per kg dilkakjöts. Afar mikilvægt er fyrir íslenskan landbúnað að bregðast við með markvissum hætti, m.a. með endurheimt votlendis og stórfelldri endurheimt landgæða á þúsundum ferkílómetra. Með þeim hætti má kolefnisjafna íslenska landbúnaðarframleiðslu. Landbúnaðurinn og þjóðin í heild þurfa að axla þá ábyrgð í sameiningu. Fram kom í máli Borgars að RML stefnir á að stórefla fræðslu og samvinnu um umhverfismál og loftslagsbreytingar.

Fjörugar umræður voru í fundarlok, en þar var áréttað að stórauka þarf þekkingu á jarðveginum og kolefnishringrásinni, enda er sú óvissa sem er um losun mólendis með öllu ólíðandi. / Tekið af heimasíðu Landbúnaðarháskóla Íslands

 

Landgræðslan

Starfsstöðvar

Starfsmenn

Um okkur

Rafrænir reikningar

Skýrslur

Leiðbeiningar

Landupplýsingar

Landbótasjóður

Gæðastýring í sauðsfjárrækt

Bændur græða landið

Varnir gegn landbroti

Endurheimt votlendis

Hagagæði

GróLind

Lagaumhverfi

Auglýsingar

Aðalskrifstofa | Gunnarsholti | 851 Hella | Sími 488-3000 | Netfang land@land.is | Rafrænir reikningar | Kt: 710169-3659