04.12.2020. Margt býr í moldinni!

FAO tileinkar 5. desember ár hvert jarðvegsvernd og baráttunni gegn jarðvegseyðingu. Í ár eru skilaboðin til okkar þessi: „Höldum moldinni lifandi og verndum líffræðilega fjölbreytni hennar“. Moldin er undirstaða lífsins á jörðinni en þvi miður hefur mannkynið hingað til ekki haft nægan skilning á mikilvægi jarðvegsverndar og sjálfbærri nýtingu auðlindarinnar. Meðfylgjandi veggspjöld sýna okkur, svo ekki verður um villst, að moldin er ein mikilvægasta auðlind jarðar og við verðum að vernda hana með öllum tiltækum ráðum.