Sumaropnun í Sagnagarði
11. júní 2013
Sagnagarður, fræðslu- og kynningarsetur Landgræðslunnar verður opinn alla daga vikunnar kl. 9:00-17:00, frá 1. júní til 31. ágúst. Í Sagnagarði er sögu gróður- og jarðvegseyðingar á Íslandi gerð skil í máli og myndum. Sagt er frá baráttu við afleiðingar eldgosa og óblíð náttúruöfl. Saga frumherjanna í landgræðslu er rakin og barátta þeirra við vantrú almennings. Greint er frá 100 ára sögu landgræðslustarfs á Íslandi og lýst helstu verkefnum í endurheimt landgæða og vistkerfa, gróðurvernd og alþjóðlegu samstarfi. Sjá nánari upplýsingar um Sagnagarð hér.
Velheppnuð ráðstefna
5. júní 2013
Nýlokið er ráðstefnunni SOIL CARBON SEQUESTRATION, for climate, food security and ecosystem services, sem var haldin á Grand Hótel Reykjavík dagana 26-29 maí. Ráðstefnuna héldu Landgræðsla ríkisins og Landbúnaðarháskóli Íslands í samstarfi við fjölda innlendra og erlendra stofnana.
Tökum þátt í landgræðsludegi með Landvernd og Gnúpverjum!
5. júní 2013Landgræðsludagur Gnúpverja verður laugardaginn 8. júní. Þá er áætlað að dreifa úr 140 heyrúllum í jarðarsár í hlíðum Sandafells og Karnesings. Þetta svæði er nokkru innar en Búrfell í Þjórsárdal og náttstaðinn Hólaskóg. Flatlendið þarna fyrir neðan kallast Haf. Hekla gnæfir yfir í suðri og hefur oft sent væna vikurskammta yfir svæðið.
