Héraðssetur Landgræðslunnar á Austurlandi er á Egilsstöðum. Meðal verkefna sem falla undir héraðssetrið er að sjá um skipulag og eftirlit uppgræðsluverkefna, sinna gróðureftirliti, umsjón með Bændur græða landið á starfssvæðinu, veita upplýsingar og ráðgjöf og vinna í samstarfi við sjálfboðaliða, félagasamtök, fyrirtæki, sveitarstjórnir og aðra að ýmsum landgræðsluverkefnum.

Bændur græða landið
Varnir gegn landbroti
Gæðastýring í hrossarækt
Gæðastýring í sauðfjárrækt
Ýmis viðfangsefni Landverndarsviðs
Umsóknir

Héraðsáætlanir Landgræðslunnar eru samantekt á helstu rofsvæðum á landinu og forgangsröðun verkefna út frá aðstæðum á hverjum stað. Rofsvæðin eru hér flokkuð eftir alvarleika rofs, aðgengi að þeim, hvernig þau eru yfirferðar, hæð yfir sjávarmáli og eignarhaldi. Héraðsáætlanir eru ekki áætlanir um uppgræðslu lands, en þær geta verið gott verkfæri þegar gera á slíkar áætlanir, hvort sem í hlut eiga sveitarfélög, einstaklingar eða félagasamtök. Smella hér til að sjá skýrsluna.

Helstu uppgræðslusvæði eru í Víðidal, á Möðrudal, Vopnafjarðarheiði, Brúaröræfum, Jökuldalsheiði, Jökuldal, Héraðssandi og Húseyjarsandi. Landbrot er víða við ár á Austurlandi og veitir Landgræðslan árlega styrki til varna gegn landbroti.

150PIXxaIMG_8596Guðrún Schmidt, verkefnastjóri
S. 488 3000 / 488 3063
gudrun@land.is