Málþing um Hekluskóga – staða og framtíðarhorfur verkefnisins

By April 8, 2015Eldri fréttir

8. apríl 2015 | Hekluskógar bjóða til málþings í Frægarði í Gunnarsholti 16. apríl kl. 11 til 16. Hekluskógar hafa starfað að endurheimt birkiskóga í nágrenni Heklu frá árinu árið 2007 og hefur mikið áunnist í uppgræðslu og ræktun birkilunda frá því að verkefnið hófst. Á málþinginu verður farið yfir stöðu verkefnisins, þann árangur sem náðst hefur og framtíðarhorfur verkefnisins á hinu víðfeðma starfsvæði Hekluskóga. Einnig verður fjallað um rannsóknaverkefni sem unnin hafa verið á starfsvæði verkefnisins og helstu niðurstöður þeirra. Boðið verður upp á súpu og brauð í hádeginu. Skráning á ráðstefnuna fer fram í tölvupósti til Eddu Linn Rise á netfangið eddalinn@land.is Þátttakendur eru beðnir að skrá sig sem fyrst.

Dagskrá
11:00 Gestir boðnir velkomnir í Gunnarsholt. Sveinn Runólfsson.
11:10 Endurheimt vistkerfa – hvers vegna, hver og hvernig? Björn H. Barkarson.
11:25 Hvað hefur gerst og við hverju má búast eftir gjóskugos? Friðþór S. Sigumundsson.
11:45 Uppgræðsla Landgræðslunnar á Hekluskógasvæðinu. Sveinn Runólfsson.
12:00 Súpa og brauð í Gunnarsholti.
12:45 Eyðing og útbreiðsla birkiskóga. Friðþór Sófus Sigurmundsson.
13:05 Hekluskógaverkefnið – saga, aðferðir, framkvæmdir, árangur og framtíð. Hreinn Óskarsson.
13:35 Kortlagning framkvæmda. Ívar Örn Þrastarson.
13:50 Reynslusaga landeiganda. Sveinn Sigurjónsson á Galtalæk II.
Rannsóknir á Hekluskógasvæðinu

14:05 Yfirlit yfir rannsóknir á Hekluskógasvæðinu. Ása Aradóttir og Guðmundur Halldórsson.
14:25 Birkiskógarnir breiðast út að nýju! Björn Traustason.
14:45 Líffræðilegur fjölbreytileiki í Hekluskógum: Hlutverk jarðvegseyðingar og framvindu. Heiða Gehringer.
15:00 Sandburður á Hekluskógasvæðinu. Elín Fjóla Þórarinsdóttir.
15:15 Lífrænn áburður og belgjurtir. Magnús H. Jóhannsson.
15:30 Umræður.
16:00 Ráðstefnulok.

Málþingsstjóri Björn B. Jónsson